التزم الملياردير الأمريكي الشهير جيف بيزوس (مؤسس عملاق التجارة الإلكترونية أمازون) بدفع حوالي 2 مليار دولار للأعمال الخيرية في 2018.

وفي 2020 خصص جزء كبير من التمويل ده لمجموعة من المدارس المخصصة للأطفال (بين 3 و5 سنوات) سماها “أكاديمية بيزوس” في سياتل.

بدأت مؤسسة بيزوس بالتخطيط ل 5 مدارس ووصلت دلوقتى ل 14 في الولايات المتحدة.

المختلف ان الأكاديمية بتطبق طريقة تعليم مختلفة عن الطرق التقليدية اسمها “طريقة مونتيسورى”.

الفكرة ان بالطريقة دى بيكون التركيز على تطوير المواهب والميول الطبيعية عند الأطفال.

بيزوس نفسه اتعلم في مدارس مبكرة من النوع ده.

الأكاديمية مجانية تماما بالرغم ان نظيراتها من المدارس ممكن تكلف عشرات آلاف الدولارات للطفل الواحد.

أكاديمية بيزوس بتقدم النوع ده من التعليم لأطفال العائلات اللى فرصهم أقل في التعليم وبالتالي فهى للعائلات الفقيرة والطبقة الوسطى.

الحد الأعلى لدخل أهل الأطفال المقبولين هو 400% من خط الفقر الأمريكي، وغالبا أكثر من نص الأماكن محجوزة للى دخل أهله أقل من 250% من خط الفقر.

واحدة من مدارس بيزوس موجودة في ولاية فلوريدا، وأربعة متوزعين فى مدينة هيوستن في تكساس، و9 غيرهم في ولاية واشنطن اللى مستقر فيها بيزوس وفيها المقر الأصلي لشركته أمازون.

ويقال ان فيه مخطط لتوزيع عدد أكبر من مدارس بيزوس بشكل عالمى.