طبعا لو بتفكر إنك تستخدم أبلكيشن أو find my device بمجرد ما السارق يعمل إعادة ضبط مصنع فكل دة هيتمسح.

بدون متعمل محضر في القسم وبدون أي واسطة و أي نصب ….طب نعمل إيه ؟

الموضوع بكل بساطة إنك هتتوجه لمباحث التليفونات الأقرب ليك.

طب نعرف إزاي؟.. بإنك تتصل بيهم أو تكلم الشرطة أو بالدليل ١٤٠ هيدلوك عليهم وكمان مواعيدهم.

هناك هيعملك محضر بالنيابة عن القسم ولازم تحتفظ برقم المحضر (مهم جداً) كدة انت خلصت.

طب لو حابب تتابع بنفسك بتروح لقسم الشرطة تاخد منهم الرقم السري لرقم المحضر وبيوجهوك للنيابة اللى هتتابع معاهم وأول ما الموبايل يتفتح ويتحط فيه شريحة تانية هيوصلهم إشارة برقم الشريحة اللي فيه و هيكلموا بنفسهم اللي معاه التليفون و بيرجع يعني بتستلمة بعد حوالي شهرين او ثلاثة.

وبيكلموك اول ما بيوصلهم التليفون ويظبطوا معاك ميعاد الاستلام في مكتب أمين الشرطة في النيابة وبتمضي علي الاستلام و إغلاق المحضر.

وأهم نصيحة بعد الإستلام إنك تعمل إعادة ضبط مصنع وتفتح جوجل بالأكونت الخاص بيك.