كلنا عارفين ايه هي ال SIM، ببساطة الشريحة اللى بنستخدمها للاتصالات واى خدمات ليها علاقة بالشبكة.

الجديد ان مع التطور التقنى الشركات المصنعة للتليفونات المحمولة متجهين للاستغناء عن المكونات المادية

فظهرت فكرة الشرايح الالكترونية ال eSIM.

النوع ده يعتبر شبيه افتراضى للشريحة العادية بس الميزة انك مش هتشيل ولا هتحط الشريحة فعليا لا هي هتكون مدمجة او جزء من جهازك، ده طبعا هيوفر تعب تبديل الأرقام والشبكات وغيره.

مصطلح “eSIM” يعني ببساطة “embedded SIM” أو بطاقة مدمجة، وهي شريحة صغيرة مدمجة في التليفون بتشتغل بشكل مشابه لتقنية NFC و دى واحدة من أشهر التقنيات المستخدمة للدفع فى Google Pay و Apple Pay.

ودعم شرايح ال eSIM وتمكينها بيكون من الشبكة أو شركة التليفون نفسه، مش بتكون موجودة بشكل تلقائي مع الجهاز، الجدير بالذكر برده ان أجهزة معدودة هي اللى بتدعم التقنية دى.

للعلم المعلومات والبيانات الموجودة على شرايح eSIM مُتاحة لإعادة الإدخال والكتابة، بمعنى إنك ممكن تغير الشركة المشغلة للخدمة وتقدر تفعل ارقام مختلفة في نفس الشريحة بخطوات بسيطة.

إذا كنت بتسأل عن مصدر دعم التقنية فإن الجمعية الدولية لشبكات الهاتف المحمول أو المعروفة بـ “GSMA” هي اللى حددت ودعمت معايير شرايح eSIM في جميع أنحاء العالم.

حتى الآن شركة أبل هي اللي بتدعم هذه التقنية كانت مستخدمة في جزء من أجهزتها مؤخرا زى iPad Pro وساعات أبل الذكية زى Apple watch series3.

وأطلقت شركة جوجل نفس التقنية في بعض أجهزتها زى Pixel 2 اللى كان نازل في الولايات المتحدة بس مع دعم خدمة Google Fi من جوجل، بعد كدا جوجل استخدمت التقنية في جميع أجهزة بيكسل.

شركة سامسونج كمان بدأت بدعم تقنية eSIM في عائلة جالاكسي S20 حتى وصلت لتليفون Moto Razr Flip.

أعلنت شركة Oppo عن أول شريحة eSIM متوافقة مع شبكات الـ 5G  وموجودة في جهاز Oppo Find X3 Pro، و دا معناه أن تقنية الـ eSIM تستعد لدعم أكثر معايير شبكات الـ 5G تطورا.

ميزة تانية مهمة وهى ان شرايح eSIM مش بس للتليفونات!

على سبيل المثال تدعم مايكروسوفت التقنية الجديدة في أنظمة ويندوز (بدءًا من ويندوز 10)، بالإضافة لبعض أجهزة الحواسيب اللى بتشتغل بشرايح كوالكوم سنابدراجون.

وممكن تلغى رسوم الاتصال والتجوال وانت مسافر بره وتقدر تبدل المشغلين بسرعة لو كنت في منطقة مفيهاش إشارة.

مفيش أي احتمال لحدوث ضرر مادي لأنها شريحة مدمجة.

صعب ويمكن مستحيل اختراقها لوجود سلسلة من البروتوكولات وأنظمة الحماية وتقدر تخزن بيانات وملفات متعددة بسعة تخزين فائقة تستخدمها في أي وقت ومن أي مكان.

نقدر نقول ان تقنية eSIM هي المستقبل في مجال الاتصال والشبكات.