الفيسبوك بقالة فترة مقلوب بـ Posts عن تطبيق جديد ناس كتير متعرفش عنه حاجة إسمة (clubhouse) وكتير مننا بيسأل إيه هو التطبيق دة تعالوا نعرف سوا اكتر عنه.

هو عبارة عن تطبيق تواصل اجتماعى و لكن عن طريق الدردشة الصوتية يعني مفيش صور ولا فيديوهات ولا حتى كلام نصي مكتوب مجرد دردشة صوتية و بس.

التطبيق موجود من مارس 2020 بس اتشهر من حوالي شهرين وبقي فى الوقت الحالى حوالى 10 ملايين مستخدم.

تقدر فى التطبيق دة أنك تعمل (غرف) Rooms و تعمل مناقشات صوتية مع كل الموجودين و ممكن تدخل أو تخرج من أى Room فى أى وقت.

و كمان جواه حاجة أسمها (نادى) Club و كل نادى جواه Rooms ، طب أيه هو النادى هو عبارة عن مساحة أكبر من الـ Rooms ، كل اللي تعملة بمجرد متكون فى التطبيق إنك بتنشئ نادى و تبدأ تكوين غرف دردشة بداخل النادى الخاص بيك.

كل اللي عليك تعمله إنك تدوس على إسم النادى اللي عاوز تنضم ليه وتدوس (متابعة) Follow  ولو دخلت غرفة مرتبطة بنادى تانى هيظهر إسم النادى أعلى إسم الغرفة و هيكون جنبها رمز بيت أخضر ملون أخضر.

و التطبيق بيسمحلك إنك تعمل نادى بشكل أسرع لو كنت تستضيف 3 غرف أسبوعياً على الاقل فى حسابك لأن مهمتك أصلا بعد إنشاء النادى هي إنك تشجع المستخدمين إنهم ينضموا للمحادثة.

و من المواضيع المفروض يدعمها البرنامج مثل: الرياضة، والترفيه، واللغات، والتكنولوجيا، والاماكن وما الى ذلك.

أولا هي عملية بطيئة جدا و بدون ضمانات لان التطبيق بيعتبر الاندية ميزة تجريبية فى الوقت الحالى و مش بيسمح بوجود النادى إلا اللي بيتوافق عليها يدوياً.

يعنى تقدم طلب للتطبيق إنك تبدأ نادى و تنتظر الرد تقدر تقول إنها عملية مملة إلي حد ما.

طبعا إحنا حاولنا نختصر ليكم كتير لان التطبيق لسا جديد و تفاصيلة كتيرة بس لازم نقول و نشرح بالتفصيل كل المهم اللي نقدر نساعدك بيه و مع تكنولوجيا بالعربي هنوصلك كل جديد و أنتظرونا مع أي تحديث أو تطبيق جديد.