اكتشفت جوجل 37 ثغرة أمنية في جوجل كروم وصنفت 10 منهم على انهم تهديد قوى مع ثغرة تانية اتصنفت على أنها خطيرة جدا.

الفكرة ان الثغرات دى هتأثر على كل المستخدمين ومهم جدا انهم ينزلوا اجدد تحديث لجوجل كروم لأنه امان اكتر.

المشكلة دى خلت جوجل تصدر تحديث جديد عشان يمنع التهديدات دى.

طبعا زى اى تحديث جديد بيكون فيه حاجات محتاجة تعديلات ومش بيكون شغال بكفاءة على كل الأنظمة زى مثلا مستخدمين ال iOS  واجهوا بعض الأخطاء زى ان المتصفح بيوقف في ثوانى من فتحه.

اخر اصدار هو اصدار 97 و بيستخدم مع كل أنظمة التشغيل.

بعض المستخدمين لجئوا لمسح ذاكرة التخزين المؤقت للمتصفح كحل للمشكلة بس بالنسبة لمعظم مستخدمين ال iOS ده مش حل فعال لان المتصفح بيقفل بسرعة جدا فبيكون صعب فتح الإعدادات أساسا.

طبعا متوقعين حل للمشكلة دى قريب جدا بس لحد ما يكون فيه حل الأفضل ان مستخدمين ال iOS مينزلوش اصدار 97.

طيب هنعمل ايه كمستخدمين للأنظمة التانية؟

هندخل على الإعدادات حول Google Chrome وبعدين هنشوف رقم الإصدار ظاهر ايه.

لو كان 97.0.4692.71 أو أحدث، فأنت في أمان ولو التحديث مش متاح فلازم تدخل كل شوية تتأكد لحد ما يكون متاح.

أهم حاجة بقي إنك تقفل المتصفح وتشغله تانى اول ما تحدثه عشان نتأكد إنك محمى 100%.