تيك توك يحدث شروط الاستخدام (Terms & Conditions) لدعم رفاهية مستخدميها.

سبب التغييرات هو مهاجمة نوع المحتوى اللي بيشجع على اضطرابات الاكل والتحديات الخطيرة النوع ده من المحتوى كان سبب تعرض الشركة للانتقادات قبل كدة.

أعلنت الشركة انها هتبدأ في حذف مقاطع الفيديوهات اللى بتتكلم عن أعراض اضطراب الأكل والإفراط في ممارسة الرياضة.

بالرغم من انه تم حذف المحتوى ده لكن التقارير بتقول ان المستخدمين لسة بيظهر لهم فيديوهات من النوع ده بتعرض عادات أكل غير صحية وتحديات غريبة.

في أكتوبر كان فيه جلسة استماع في الكونجرس، ضغط فيها أعضاء مجلس الشيوخ على ممثلي تيك توك لحماية المستخدمين الشباب بشكل أكبر.

تغيير السياسة كان بيتم بمشورة خبراء اضطرابات الاكل والدكاترة وسببه ان كتير من الناس بيعانوا من سلوك الاكل غير الصحى بدون تشخيص اضطراب الاكل.

بالإضافة لده تم تغيير السياسة عشان تمنع اى محتوى عن صراحة القتل والتضليل وكراهية النساء او تغيير الجنس.

كمان هيكون فيه مساحة للمستخدمين انهم يقيموا المحتوى اللى بيظهر لهم.

وهتظهر الفيديوهات تحت هاشتاج #SaferTogether على صفحة الاكسبلور.

نتيجة لمحاربة تيك توك للانواع الخطيرة دى من المحتوى، تم إزالة أكثر من 91 مليون فيديو. و ده 1%من الفيديوهات اللى بتنتهك سياسات تيك توك.