من فتره قصيرة أعلنت منصة اليوتيوب عن تغيير مهم جدا وهو إخفاء ظهور عدد غير المعجبين.

وطبعا الخبر ده كان مفاجئ وصادم وناس كتير اخدته على انه قرار ضد حرية التعبير بالنسبة لمشاهدي يوتيوب.

فقررت يوتيوب انهم يفهموا المستخدمين سبب وأهمية القرار ده ونشروا فيدو يوضح الأسباب.

وطبعا ناس كتير برضه مقبلتش القرار بعد الفيديو وقابلوه بالسخرية والاستنكار.

وحتى بعد رد الفعل الساخط من المتابعين لم تتراجع يوتيوب عن القرار ودلوقت اكيد كلنا نفسنا نعرف ليه يوتيوب عملت كده وكمان سبب عدم استجابتها للجمهور وهل هيتم الغاء زر عدم الاعجاب نهائيا ولا لا؟

في الحقيقة انه مش هيتم الاستغناء عن الزر نهائيا لا الزر هيفضل موجود لاكن اللي هيختفي هو عدد عدم الإعجابات يعني المستخدمين مش هيقدروا يعرفوا كام شخص قام بعدم الاعجاب بس هيكون ظاهر اجمالي الإعجابات.

علشان المستخدمين بيتفاعلوا مع الزر دا بطريقه غلط وفي أوقات كتير بيعملوا زي حملات عدم اعجاب على أي محتوي لو لقو عليه كميه عدم اعجاب وشبهوا التصرف دا بإنه زيي لعبه وبتضر صناع المحتوي بالتأكيد.

ويوتيوب نفسها من ضحايا اللي بيحصل ده مثلا لما يوتيوب بينزل مقاطع الفيديو الخاصة بتلخيص اهم الأحداث الي حصلت على منصتها بتعاني من ملايين عدم الاعجاب على المقاطع دي.

يوتيوب عملت تجربه لإخفاء الزر دا في بداية 2021 ولما حللوا النتايج لاحظوا انخفاض فعلا حملات عدم الاعجاب دي.

طبعا كل صانعي المحتوي هيكونو سعداء بالقرار دا اللي هيمنع عنهم الحملات المغرضة أما بالنسبة للمشاهد العادي فدا طبعا مش في صالحه لأنه مش هيعرف يفرق بين المحتوي اللي فعلا حاز على اعجاب حقيقي ولا غير كده الا لو كمل مشاهده المقطع بنفسه.

او لو كنت بتدور على حل لمشكله ما في جهاز الكمبيوتر الخاص بيك وبعد البحث بتلاقي فيديوهات بتتلاعب بالعنوان علشان تظهرلك في البحث.

وكان ممكن تعرف كل ده من عدد عدم الاعجاب بالفيديو قبل ما تكمل مشاهدته وتتفاجئ بده.

طبعا مش كل المقاطع اللي بتحصد ارقام كبيره من عدم الاعجاب نتيجة لحملة ضد المحتوي ولكن في بعض الأحيان

بيكون فعلا المقطع مؤذي نفسيا او غير صادق او العنوان غير المحتوي.

وبالرغم من ان يوتيوب وضحت النقط اللي خدت الخطوة دي بسببها الا انه مازال فيه عند البعض رافض لهذا القرار.